قانون الأسرة المنتجة في الجزائر 2025 - المرسوم التنفيذي الجديد
قانون الأسرة المنتجة في الجزائر 2025 - المرسوم التنفيذي الجديد
📌 جدول المحتويات
معنى الأسرة المنتجة؟
الجريدة الرسمية لي خرجت اليوم صدّرت مرسوم تنفيذي جديد يخص حاجة سموها برنامج الأسرة المنتجة. الدولة حبّت تعاون العائلات الفقيرة واللي ماعندهاش دخل باش يخدمو مشاريع صغيرة من دارهم ويولّو عندهم مدخول. يسمّيوها "الأسرة المنتجة"، يعني العائلة لي تقدر تنتج حاجة نافعة (خياطة، حلويات، فلاحية، تربية نحل... إلخ).
شكل المساعدة وقيمتها
مايعطوش دراهم كاش 💰، بل يعطو معدات وتجهيزات حسب النشاط (مثلاً ماكينة خياطة، أدوات حلويات، خلاطات، أفران صغيرة، تجهيزات لتربية نحل...). قيمة المساعدة: بين 8 ملايين حتى 10 ملايين سنتيم (80000 – 100000 دج).
شكون يستفيد؟
- أب أو أم لأسرة فقيرة.
- امرأة تعيل إخوتها أو والديها.
- شرط أساسي: مايكونش عندك مدخول وما تكونش استفدت من أي برنامج دعم آخر من قبل.
الأنشطة لي تشملها
- الخياطة، الطرز، غزل الصوف.
- الطبخ والحلويات والعجائن.
- الحرف التقليدية: الفخار، السيراميك، المعادن، الخشب، الجلود، الديكور.
- الحلي والمجوهرات.
- النشاطات الفلاحية (تجفيف فواكه، استخراج زيوت، تقطير أعشاب).
- تربية الحيوانات والنحل.
الوثائق المطلوبة
- طلب خطي يوضح النشاط اللي حاب تديرو.
- شهادة عائلية.
- شهادة عدم العمل (بطاقة طالب عمل من الوكالة).
- نسخة من بطاقة التعريف الوطنية.
- تصريح شرفي بعدم الاستفادة من أي برنامج دعم سابق.
كيفية التسجيل وإيداع الطلب
الطلبات يتم إيداعها على مستوى مديريات النشاط الاجتماعي والتضامن على مستوى ولايتك. من المحتمل يتم مستقبلاً إطلاق منصات إلكترونية باش يسهل التسجيل، بصح في الوقت الحالي لازم تروح للمصالح الولائية.
💡 نصيحة للزائر
قبل ما تختار النشاط، حاول تدير دراسة بسيطة: واش تحب، واش تقدر تخدم بيه، واش السوق يحتاج. هكذا تضمن مشروع ينجح ويعاون عايلتك باش تولّي مستقلة مالياً.
❓ الأسئلة الشائعة
هل المساعدة نقدية ولا عينية؟
المساعدة عينية، يعني تجهيزات ومعدات حسب النشاط.
القيمة المالية ثابتة؟
تتراوح بين 8 و10 ملايين سنتيم حسب طبيعة النشاط.
هل العاطلين الشباب يقدرو يسجلو؟
لا، البرنامج موجه خصيصاً للأسر الفقيرة والعائلات بلا مدخول.
- الاستفادة مرتبطة بشرط عدم وجود مدخول وعدم الاستفادة من برامج دعم أخرى.
- الأنشطة متعددة وتشمل مجالات تقليدية وفلاحية.
- المتابعة تكون عبر مديريات النشاط الاجتماعي.
- 📢 تابعونا على موقعنا لمزيد من أخبار الدعم الاجتماعي في الجزائر يومياً.
تعليقات
إرسال تعليق